ԿԱՐԾՈՒՄ ԵՄ
Ես կարծում եմ. երբ խոր վերքից
Մարդ ժպտում է համառությամբ,
Այդ ժպիտը վերջ ի վերջո
Փոխարկվում է ծամածռության …
Ես կարծում եմ, երբ որ ջուրը
Վարարում է, ելնում ափից,
Թույլտվություն չի վերցնում
Իրեն հսկող նեղ քարափից …
Ես կարծում եմ. պաղն ավելի
Լավ ես զգում ամռան շոգին,
Դողն ավելի լավ ես զգում
Ձմռան բքին …
Հողն ավելի լավ ես զգում
Այն ժամանակ,
Երբ նա հանկարծ տատանվում է
Քո ոտքի տակ …
20.05.1957թ.
Մոսկվա
|
